ഒരൊറ്റ വിരൽ ഞാെടി കൊണ്ട്, ഒരു നിമിഷാർദ്ധത്തിൽ ഈ ലോകത്തെ മുഴുവനായും ഇല്ലായ്മ ചെയ്യാനാണ് സർവ്വ സൃഷ്ടാവായ ബ്രഹ്മാവിന് തോന്നിയത്. മനുഷ്യ കുലത്തെക്കൊണ്ട് അദ്ദേഹം അത്രമേൽ പൊറുതി മുട്ടിയിരുന്നു. തൻ്റെ തന്നെ സൃഷ്ടികളിൽ ഒന്നാണവർ; ഒരുപക്ഷേ, തനിയ്ക്കു സംഭവിച്ച ഏറ്റവും കഠിനമായ പിഴവ് എന്നു പറയാം. പക്ഷേ, ഹേമാംഗനാണെങ്കിലോ മനുഷ്യരോട് വല്ലാത്തൊരു ഇഷ്ടമാണുള്ളത്. മാനസസരോവരത്തിലെ സ്വർണ്ണ ഹംസമാണവൻ. ബ്രഹ്മാവ് മനുഷ്യ കുലത്തെ ഇല്ലായ്മ ചെയ്യാൻ ആലോചിയ്ക്കുന്നു എന്നത് അവനെ ഭയചകിതനാക്കുന്നുണ്ട്. അതു കൊണ്ടു തന്നെ, മനു...