संकटकाळात केलेल्या कोणत्याही प्रकारच्या मदतीचं मोल खूप असतं. कोरोना काळात अशा मदतीचे कोणते मार्ग असू शकतात, कोणाकोणाला मदतीची गरज असू शकते, त्यासाठी नेमकं काय करावं अशा तुमच्या मनातल्या काही प्रश्नांची उत्तरं आम्ही संकलित केली आहेत. ती आपणापर्यंत पोहोचवत आहोत, तेव्हा नक्की ऐका!

दैनंदिन गीता या उपक्रमात रोज आपण ऐकणार आहात गीतेवरचे विचार साहित्यिक राजेंद्र खेर यांच्या आवाजात... ब्रह्म म्हणजे प्राणांचा प्राण आहे. दृश्य आणि अदृश्य जगतात जे जे म्हणून काही आहे त्यांचा प्राण ते ब्रह्मच आहे. तेच तेज सर्व प्राणिमात्रांमधे वास करून असतं. त्यालाच जाणण्याचा प्रयत्न झाला पाहिजे. त्याला जाणण्याच्या शास्त्रशुद्ध प्रयत्नांमधूनच मनुष्याचा खरा विकास होऊ शकतो.

दैनंदिन गीता या उपक्रमात रोज आपण ऐकणार आहात गीतेवरचे विचार साहित्यिक राजेंद्र खेर यांच्या आवाजात... आपलं चित्त जाणीवपूर्वक परमेश्वराच्या ठिकाणी ठेवलं तर भगवंताचाच अनुग्रह होऊन सर्व संकटं किंवा शुभाशुभ फलं तरून जाता येतात. कारण मुळात सुख-दुःखं नसतातच. अहंकार जोपासल्यामुळे ती भासत असतात. म्हणून अहंकार बाळगून सर्व कर्मं केली तर तो मनुष्य दुःखाला आणि पर्यायानं नाशाला कारणीभूत होतो. प्राप्त कर्म करतानाच अहंकाररहित होऊन परमेश्वर चिंतनातच साधकानं गढून गेलं पाहिजे. असा मनुष्य सुख-दुःखातीत होऊन जाई...